Mehriban Xanlarova: “Qardaşımın psixoloji problemlərini gizlətmirəm”
Mehriban Xanlarova qardaşı barədə açıqlama verib.
Mövqe.az-ın məlumatına görə, "Günəbaxan" verilişində qardaşının
içki içən, işsiz, psixolojı problemli adam olduğunu səmimi şəkildə
etiraf edən aktrisa onu necə evləndirdiyini də danışıb: "Çox vaxt
deyirlər ki, Mehriban Xanlarova öz gözündə tiri görmür, öz
problemlərini gizlədir. Xeyr, mən elə insan deyiləm. Mən qardaşımı
evləndirənəndə elçi getdiyimiz qıza çox dürüst şəkildə hər şeyi
etiraf etdim. Qardaşımın içkiyə meyilli olduğunu, işləmədiyini,
psixolojı problemlərinin olduğunu bildirdim. Hətta dedim ki, o,
içəndə tamam fərqli biri olur. Qız razı oldu, ailə qurdular. Ancaq
heç 2 il birlikdə yaşamadılar". Verilişin qonaqlardan biri,
tanınmış vəkil Zülfiyyə Bayramova məcburi evlilik mövzusu ilə bağlı
fikirlərini bildirib. O, maraqlı bir hadisəni tamaşaçıların
diqqətinə çatdırıb: "Bir dəfə heç yadımdan çıxmır, məhkəmədə bir
cütlüyün boşanma işinə baxırdım. Oğlan belə bir açıqlama verib bizi
şoka saldı. Dedi ki, atam öləndə mən sevindim. Səbəbi soruşanda
bildirdi ki, o, məni düz 16 ildir bədbəxt edib. İstəmədiyim birini
alıb. O, sağ olanda qorxusundan boşana bilmirdim". Vəkil qeyd edib
ki, atasının ölümündən bir gün sonra oğlan boşanmaq üçün məhkəməyə
müraciət edib.
"Günəbaxan" verilişinin bu buraxılışı Pünhan İsmayıllı ilə Mehriban Xanlarovanın danışmaq üçün bir-birinə macal verməmələri, fikirlərinin üst-üstə düşməməsi ucbatından qalmaqal yaranması, məcburi nikahın dini baxımdan da qəbul olunmadığını izah etməyə çalışan "Karvan" jurnalının baş redaktoru İsmayıl Əhmədin fikirləri, Mövqe.az saytının jurnalisti Əfruzə Ağayevanın məcburi nikaha gənclərin valideyn təzyiqi və hədə-qorxusu ilə sürükləndiyini söyləməsi və bu ətrafda müzakirələrlə yadda qalıb.
Qeyd edək ki, verlişin aparıcısı İlqar Mikayıloğludur.
