Rok ifaçısı "Etiraf"dan sonra "Ovutma məni" deyəcək-VİDEO
"Yenə səni sevərəm" mahısı ilə tanınan müğənni
Ümman müəyyən fasilədən sonra yeni klipini təqdim edib. Sözləri
Sahibə Rəşid, musiqisi Valeh Əhmədə aid "Etiraf" adlanan lirik
mahnını Rəhman Əliyev ekranlaşdırıb. Mövqe.az-ın məlumatına görə,
müğənni yeni işini də professional komanda ilə birgə ərsəyə
gətirib. Mahnının aranjimanı Yaşar Baxışa aiddir. Klipin operatoru
Delee, montajı Saidə aiddir. Sənətindəki fasiləyə artıq son verib
iddialı şəkildə karyerasını davam etdirməyə qərarlı olan Ümman
xanım yeni mahnılar üzərində çalışır. Əsasən rok janrında ifa edən
müğənni qarşıdan gələn 2014-cü ilin əvvəlində "Ovutma məni" adlı
mahnısıni dinləyicilərə təqdim edəcək. Sözügedən mahnının
müəllifləri yenə də Sahibə Rəşid və Valeh Əhməddir.