Aygün Kazımova sükutunu pozdu
Movqe.az xəbər verir ki, Türkiyədən Bakıya yenicə
dönmüş xalq artisti Aygün Kazımova təqdim edəcəyi yeni layihəsi
barəsində açıqlama yayıb: "Mən sükutumu bu layihəmlə pozuram. Mənim
üçün çox məsuliyyətli, çox vacib, çox önəmli bir layihəni həyat
keçirdim. Bir tərəfdən də məni kövrəldən "Azərbaycan bayrağı" adlı
bir klipimi təqdim etdim. Mahnının musiqisi Tural Bayraməliyevə,
sözləri Zərifə Quliyevaya aiddir. Mahnının aranjemanını Mert Eli
İçeli həyata keçirib. Klipin rəhbəri və montajı son kliplərini
çəkən şirkətdə montaj olunub. Mən bu klipi "kliplərimin gözü"
adlandırardım. Mahnımın adı "Azərbaycan bayrağı" adlandığı üçün
təbii ki, klip də vətənimdə çəkilib. Arxiv materiallardan istifadə
olunub. Elə buna görə də, Heydər Əliyev fonduna təşəkkürümü
bildirirəm. Mənim üçün çox özəl və toxunulmaz olan bu layihə üçün,
klipin ərsəyə gəlməsində mənə ən böyük dəstəyi göstərən Elçin
Muradova dərin təşəkkürümü bildirirəm. Dəstəyinə görə
minnətdaram.