Aygün Kazımovanın ad günü partisində qadağa!
Xalq artisti Aygün Kazımova bu il möhtəşəm ad günü
planlaşdırır. Mövqe.az-ın məlumatına görə, müğənninin 26 yanvar
tarixində olan ad günü hər il möhtəşəmliyi ilə seçilir. Belə ki, bu
il baş tutacaq ad gününün təşkilatçısı prodüsser Tarix Əliyev
olacaq. Qalmaqallı prodüser bu dəfə də öz sərt ismarışı ilə hər
kəsi təəccübləndirib. Gecə haqqında çox danışmaq istəməsə də,
Mövqe.az-a açıqlamasında Tolik gecənin karnaval şəklində
keçirələcəyini açıqlayıb: "Divanın ad gününə az qaldı. İndidən
şou-biznes nümayəndələrinə (təbii ki, dəvət olunanlara) aiddir ki,
hazırlıqlar görülsün. Kimliyindən aslı olmayaraq kimin geyimi uyğun
olmasa içəri buraxılmayacaq. Karnaval partidə hər kəs obrazlı
şəkildə geyinməlidir. Ad gününün təşkilatı məsələləri isə özümə
aiddir. Geyim ən birinci şərtdir. Yenə də deyirəm, yaxşı və
uyğun geyinməyən içəri buraxılmayacaq!!!"