Mövqe.az xəbər verir ki, müğənni Nazənin "Nəfəsim"lə fərqli imicdə tamaşaçı qarşısına çıxacaq. Tanınmış müğənni "Nəfəsim" layihəsi çərçivəsində bir neçə yeni mahnısını da pərəstişkarlarının ixtiyarına verəcək. Xatırladaq ki, "Nəfəsim" layihəsinin prodüseri Pərviz Fəqandır. "Nəfəsim"lə əlaqədəar müğənni görünüşündə, imicində də ciddi dəyişikliklər etməyi planlaşdırır. Tamaşaçı bu günə qədər görmədiyi Nazənini "Nəfəsim"də bir il boyunca görəcək. "Bu layihədən hələ çox danışılacaq" deyə müğənninin prodüseri Pərviz iddialı açıqlama verib.

Yeri gəlmişkən onu da qeyd edək ki, Nazənin bəstəkar Cabbar Musayevlə yenidən işbirliyinə başlayıb. 15 il əvvəl məhz Cabbar Musayevin bəstələri ilə tamaşaçı qarşısna çıxan və sevilən müğənni illər sonra yenidən onun mahnılarını ifa etməyə qərar verib. Müğənni bu il Cabbar Musayevin bir neçə yeni mahnısını lentə aldırmağı palanlaşdırıb.