Müğənni Röya Ayxanın  yanvar ayının 28, 29, 30 və 31-i konsert verəcəyi barədə məlumat vermişdik. Konsertinin biletlərini ancaq kassalardan əldə etməyi söyələn Röya Ayxan heç dostlarına da dəvətnamə şəklində bilet yollamadığını açıqlayıb. Biletlərin necə satıldığı barədə konsertin baş tutacağı məkandan - Heydər Əliyev adına sarayın kassalarından məlumat əldə etdik. Məlumata əsasən kassada çox az sayda bilet qaldığını söyləyən kassir xanım Movqe.az-a məlumat verdi: " Çox az sayda biletlər qalıb. 28-i satışda deyil. Həmin günkü konsert pulsuz olacaq. Amma ayın 29-na 30 manatdan 150 manata kimi, ayın 30-u və 31-nə isə 50 manatdan - 120 manata kimi sayılı biletlər qalıb".