Sənətçini studiyanı yarımçıq tərk etməyə nə məcbur etdi?

Gecce.az xəbər verir ki, "Günaydın"ın bu günki qonaqları sırasında müğənni qismində Manaf Ağayev, Mənzurə Musayeva və Cavanşir Məmmədov iştirak edib. Mövzusu müğənnilərin "Toy qiymətləri və vergilər"ə həsr edilə verlişin bu sayı maraqlı məqamları ilə yadda qalıb.

Müğənnilər qazanclarının qarşılığında vergini nə dərəcədə vaxtı-vaxtında ödəyib-ödəmədiklərini öyrənmək üçün verlişin aparıcısı studiyada qonaq qismində əyləşən adı çəkilən üç müğənnidən VÖEN tələb edib. Manaf Ağayev və Mənzurə Musayeva vergini ödədikləri sənədi üzərlərində gətirmədiklərini söyləsələr də, Cavanşir Məmmədov "İstəyirsiniz VÖEN-mi də, digər sənədlərimi də sizə təqdim edim" deyib. Müğənninin bu ürəkli addımını alqışlayan aparıcı "O zaman zəhmət olmasa VÖEN-i studiyaya gətirərdiniz" bildirib. Aparıcının bu sözündən "etmə tənbəllik" deyib efir arxasına keçən ifaçı, bir neçə dəqiqədən sonra sözügedən sənədlərlə studiyada yenidən öz yerini alıb:

"Mən hara gedirəmsə bu sənədləri hər zaman özümlə gəzdirirəm. Mənim 16 nəfərdən ibarət musiqiçi qrupum var. Onların hər birinin, hətta şoferimin belə VÖEN-i var".