Argentina Milli Komandası kapitanı Messi , Braziliyada 12 iyunda başlayacaq 2014 Dünya Kubokunda çempionluğu yaşamağı çox istədiyini söyləyib.

Movqe.Az xəbər verir ki, ingilis mətbuatına danışan Lionel Messi , həyatındakı ən əhəmiyyətli şeyin futbol olduğunu söyləyərək , "Balacalığımdan yeganə məşğuliyyətim futboldu və hər zaman belə qalacaq. Bu idmanı təkcə  bezəndə tərk edə bilərəm. Zövq aldığım üçün oynayıram " deyib.

Argentina formasıyla iki dəfə Dünya Kubokuna qatılmasına baxmayaraq dörddəbir finaldan daha yüksək bir müvəffəqiyyət əldə edə bilmədiyini xatırladan ulduz futbolçu, "Braziliyada bu vəziyyəti dəyişdirmək istəyirəm. Dünya Kubokunu qazanmağı çox istəyirəm. Bunu yalnız insanların mənim haqqımdakı düşüncələrini dəyişdirmək üçün deyil , muzeyimizdə əskik qalan tək kubok olduğu üçün də istəyirəm " deyib.