Azəri qızı Günel ən yaxın dostu və atası Rəhman Zeynalov ilə aralarındakı "dava-dalaş" barəsində danışıb.

Aktual.az-ın məlumatına görə, müğənni deyib ki, dəvət olunduğu televiziya proqramları arasında seçim edir. Lakin atası təkid edir ki, bu qədər çox düşünməsin: "Atamla verilişlər üstündə dalaşırıq. Küsüb otağıma çəkilirəm. Bir də görürəm ki, qapı döyülür. Deyir ay qız, yemək hazırlamışam, gəl ye. Deyirəm, gəlmirəm! Deyir gör nə gündəsən, arıqlamısan, meymuna oxşayırsan!"

Müğənni ailədə mehriban olduqlarını, xırda söz-söhbətlərlə aralarındakı böyük dostluğa kölgə salmadıqlarını da əlavə edib.