Ancelinanın duvağını uşaqları bəzəyib
Avqustda evlənən Ancelina Coli və Bred Pitin toy fotoşəkilləri,
People jurnalının 15 sentyabrda bazara çıxacaq yeni sayında nümayiş
olunub. Movqe.Az xəbər verir ki, Coli maraqlı və bir o qədər də
qəşəng gəlinliyiylə həm People, həm də Hello jurnalının üz qabığını
bəzəyib.Colinin ilk baxışda klassik tərzdə tikilmiş kimi görünən
gəlinliyi maraqlı duvağıyla qeyri-adi görünüb. Moda nəhəngi
Versacenin baş dərzisi Luigi Massi tərəfindən tikilən gəlinliyin
duvağı uşaqlarının çəkdiyi oyuncaq şəkillər və çiçək naxışlarıyla
diqqətlə bəzənib. Üçü bioloji, üçü mənəvi olmaqla altı uşaq sahibi
olan Brangelina cütlüyü 10 illik bərabərliyi, uzun nişanlılıq
dövründən sonra Fransanın cənubundakı Nice şəhərindəki
Miraval qalasında sadə mərasimlə evlənib.