Dilarə: ""Evrovision"a "Bəxtvision" da deyirlər"
"Evrovision" təmsilçimiz Dilarə Kazımova nişanlısının ona
dəstəyindən danışıb. Mövqe.az xəbər verir ki, bu barədə "Onlar"
verlişində açıqlama verən D. Kazımova bildirib: " O mənə həmişə
dəstək verib. Məncə bundan sonra da dəstək verəcək. Çoxusu deyir
ki, qadınlar ərə getdikdən sonra oxumurlar. Ancaq mən özümü ifa
etməyən təsəvvür belə etmirəm. Nişanlım bilir ki, mən səhnəni çox
sevirəm. Bəziləri "Evrovision"a "Bəxtvision" deyirlər, çünki
kimki Evrovisiona gedir sonra ərə gedir. Düzdü belə misallar var.
Amma məndə bu belə olmayıb. Biz o yarışdan öncə də nişan etmək
istəyirdik. Sadəcə alınmadı, çatdırmadıq".
Xatırladaq ki, Dilarə Kazımovadan əvvəl Aysel Teymurzadə, Safura Əlizadə "Evrovision"da iştirak ediblər, sonra isə ailə həyatı qurub, ifaçılığa "stop" deyiblər.