"Xəzər" telekanalının "Ləziz dad" verlişinin aparıcısı Ağakərim Şəmidzadənin vəziyyəti hal-hazırda çox yaxşıdır. Mövqe.az xəbər verir ki, xəstəxanada olan aparıcını bu gün dostları, "Ləziz dad" verlişinin kollektivi yoluxmağa gediblər. Ağakərim Şəmidzadə ilə foto çəkdirən dostları hər şeyin qaydasında olduğunu da bildiriblər. Həmişə birlikdə olan kollektivin şəklini sizə təqdim edirik:

Xatırladaq ki, bir neçə gün öncəBakının Yasamal rayonu Yaşar Abdullayev küçəsində bıçaqlanma hadisəsi baş verib. Hadisə zamanı "Xəzər" televiziyasında "Ləziz dad" proqramının aparıcısı Ağakərim Şamidzadə yaşadığı evin qarşısında qonşusu tərəfindən bıçaqlanıb. Qonşuların verdiyi məlumata görə, hadisəyə səbəb Ağakərimin avtomabilinə oturan qonşusunu düşürmək istəməsi olub. Yaranan mübahisə zamanı Elvin Şirinov adlı şəxs Ağakərimə bir bıçaq zərbəsi vurub.Hadisədən sonra yaralı ağır vəziyyətdə 1 saylı şəhər klinik xəstəxanasına çatdırılıb. Dərhal əməliyat olunan zərəçəkənin həyatını həkimlər xilas edə biliblər.