Azərbaycanın xalq artisti üç dəfə rəsmi nikahda olmasından danışıb
Xalq artisti Flora Kərimova üç dəfə rəsmi nikahda olmasından
danışıb.Movqe az axşam.az-a istinadən xəbər verir ki, "Düzünü
desək" verilişinin qonağı olan müğənni gec ailə quran xanımlardan
bəhs edib: "Mən elə-belə ailə qurmamışam. Mənə görə mübarizə
aparıb, buna məcbur ediblər. Peşman da deyiləm. Düşündüyüm
insanların həyat yoldaşı olmuşam. Qadın ailəsi olmayanda
yiyəsizdir. Nə qədər qüdrətli olsan da, sənin yanında ürəyinin
düşündüyü insan yoxdursa, qadın dəyərini itirir. Çünki cəmiyyət ona
təzyiq edir. Çox pis haldır: indi ailə qurmayan qızlara deyirlər
ki, evdə qalıb. Ərə gedib boşanan xanım üçün tək yaşamaq daha
rahatdır. Ondan ailə qurmasını tələb edən olmur. Məcbur da olsa,
kiminləsə ailə quracaqsan. Sən axıra qədər bakirə qala bilməzsən.
Fikrində belə qala bilərsən, amma cismən mümkün deyil. Heç bir
qadın deməsin ki, sevdiyim insana ömür boyu xəyanət etmədim".