Keşməkeşli həyatı ilə çox çətinliklərdən keçən
ifaçı Bahar Lətifqızı keçmişə
qayıdıb.
Milli.Az xəbər verir ki, uşaqlıq illərini doğmalarından
kənar, internat məktəbində keçirən ifaçı heç çəkinmədən şəxsi
həyatında baş verənləriATVxəbər.az-la
paylaşıb:
"İlk ailə həyatımı 18 yaşında qurmuşam. Birinci ailəmin dağılmasına
səbəb çox oldu. Amma ikinci ailəmin dağılmasına səbəb övladım
olmaması idi. 9 il bir insanla yaşadıq, amma uşağım olmadı. Daha
sonrakı ailəmdən bir qızım oldu. Çalışıram pis şeylərdən uzaq
durum, bu barədə danışmayım. Həyat yoldaşım ailə qurdu, xoşbəxt
olsun. Hal-hazırda da həyatımda biri var. Niyə də olmasın? Həyatıma
kimsə daxil ola bilər, sevə bilərəm. Nə qədər ki, dərinliyə
getməmişəm, düşünürəm. Amma çox istəyərdim bir övladım da olsun.
Belə şeylərə gülmək lazım deyil. Bu həyatın çərxi-fələyidir, bizlə
belə rəftar edir. Mən də istəməzdim belə həyat qurum".
Xatırladaq ki, B. Lətifqızının Sevgi adlı qızı var.