"Eurovision 2011"
qalibi Eldar Qasımov fəaliyyətini Ukraynada davam
etdirir.
Mövqe.az-a açıqlama verən müğənni yaxın günlərdə
Azərbaycan dilində də mahnılar təqdim edəcəyini deyib:
"Ukraynada müqavilələrim var. Ona görə də, ora tez-tez gedib-gəlir,
yaradıcı işlərlə məşğul oluram. Daha çox orada fəaliyyət
göstərirəm. Azərbaycanda yaradcılığıma ara verməmişəm. Sadəcə
istəyirəm keyfiyyətli iş təqdim edim. Bir mahnı var, onun üzərində
çalışıram. Hazır olan kimi buradakı sevənlərimin ixtiyarına
verəcəm. İsa Məlikovdan da mahnı istəmişəm".
Bir müddət əvvəl təyyarə alması ilə bağlı xəbər yayılan Eldar
gələcəkdə belə bir arzusunu reallaşdırmaq istədiyini deyib:
"Təyyarəm yoxdur. Ukraynadan qayıdanda hava limanında bir foto çəkdirib paylaşdım. Xəbər yayıldı ki, guya təyyarəm var. Əlbəttə, mənim də təyyarə almaq arzum var. Qismət olarsa, gələcəkdə həm təyyarə, həm də yaxta almaq istəyirəm".