«Mən azəriyəm»
Movqe.Az xəbər verir
ki, Azərbaycanda Ququş adı ilə
daha çox tanınan milli mənsubiyyətcə azərbaycanlı olan məşhur İran
müğənnisi və aktrisası Faiqə Atəş bu ölkədə baş verən zəlzələ ilə
bağlı özünün sosial şəbəkədəki səhifəsində fikirlərini
bölüşüb. İranın Şərqi Azərbaycan
vilayətindəki güclü zəlzələ nəticəsində minlərlə insanın həyatını
itirməsindən kədərləndiyini ifadə edən müğənni "Facebook"dakı
statusuna bunları əlavə edib: ""Qardaş, bacı, bizim ölkəmizdə bu
sözlər artıq dağların arxasında qalıb. Sənə qurban olum, mən özüm
də azəriyəm. Əgər bu sözlərimə inansanız, bilərsiniz ki, ürəyim
yanır. Mənə qulaq asmağa gələn hər kəsin istəyirəm ki, dodaqları da
gülsün. Hər gün ağlayırıq, qurtarmır? Canım sizə
qurban".