Əlaqə Arxiv
news Image
2015.10.15
14:20
| A A A
Aygündən Natavana sərt sözlər: "Rədd ol..."

Xalq artisti Aygün Kazımova müğənni Natavan Həbibinin onun ölkədən çıxması ilə bağlı açıqlamasına münasibət bildirib. Lent.az-ın  məlumatına görə, xalq artisti həmkarı barədə sosial şəbəkədə yazıb: "Günaydın canlarım, Azərbaycan qanunları hər bir Azərbaycan vətəndaşı üçün qanundur. Elə mənim özüm də başda olmaqla. Mənə savadsız deyənin özü isə, savadsızın  yekəsidir. Gedin qanunları yaxşı öyrənin. Ölkədən çıxmağıma qoyulan qadağa 30 il yox, heç 30 saniyə belə olmadı. "Hayastan" siyasəti aparma mənim vətənimdə. Rədd ol, mənim məmləkətimdən, rədd ol!"


Xatırladaq ki, N. Həbibi açıqlamasında Aygünün ondan üzr istəməyəcəyi təqdirdə ölkədən çıxışına 30 illik qadağa qoyulduğunu bildirmişdi: "Əgər Aygün məndən üzr istəməsə 30 il Azərbaycandan kənara çıxa bilməyəcək".

 

Qeyd edək ki, N.Həbibi A.Kazımovanı onun şərəf və ləyaqətinin təhqir olunması, işgüzar nüfuza xələl gətirməsi iddiası ilə məhkəməyə vermişdi. Məhkəmənin qərarına görə, xalq artisti Natavan Həbibinin erməni milliyyətinə mənsubluğu barədə yaydığı yalan məlumatı və işlətdiyi təhqiramiz ifadələri təkzib etməli, ondan üzr istəməlidir. A.Kazımova dediklərini təkzib edərək, bunları yazmışdı: "Öz səhifəmdə Natavan Həbibinin erməni olduğunu qeyd etmişdim. Lakin uzun sürən məhkəmə araşdırmasından sonra məlum oldu ki, fikrim yanlışdır. Məhkəmənin qətnaməsini qəbul edərək Natəvan Həbibi barədə dediyimi təkzib edirəm".

Sizin Reklam Yeriniz