Məşhur amerikalı aktyor, Hollivud ulduzu Silvestr Stallone 39 illik fasilədən sonra ABŞ Kinoakademiyasının "Oskar" mükafatına namizəd bilinib. "Creed" filmindəki roluna görə o, "İkinci planda ən yaxşı aktyor" nominasiyasında namizəddir.Movqe.az TMZ-yə istinadən bildirir ki, Stallone bu filmdə Rokki Balboa rolunu oynayır."Rembo" son dəfə 1977-ci ildə, boksçu Rokki roluna görə "Oskar"a nominant olmuşdu.Silvestr Stallone builki "Oskar"ı boykot etmək niyyətindədir.Onun dediyinə görə, filmin rejissoru Rayan Kuqlerlə məsləhətləşib."Bilirsiniz ki, qaradərili aktyorlar "Oskar"ı boykot edirlər. Mən də #OscarsSoWhite aksiyasına qatılmaq istəyirəm. Uill Smit, Spayk Li mərasimə getməyəcəklər. Mən də onlara dedim ki, əgər mərasimə qatılmağımı istəmirsinizsə, qatılmayacağam. Hə, onlar yaxşı oğlanlardır. Mən də pis oğlan deyiləm", - Stallone deyib.88-ci "Oskar" mərasimi fevralın 28-də ABŞ-ın Los-Anceles şəhərindəki Dolby Theatre-da keçiriləcək. ABC telekanalı ilə translyasiya olunacaq mərasimin aparıcısı stəndap komiki Kris Rok olacaq.
