Uitni Xyustonu öldürüblər
Movqe.Az bildirir ki, Uitni Xyustonun ölümü
pərəstişkarlarına sakitlik vermir. Şəxsi dedektiv Pol Xaebl
araşdırma aparıb və qərara gəlib ki, müğənni narkotik dozasından
ölməyib. O əminliklə qeyd edib ki, müğənnini öldürüblər. "The
National Enquirer" qəzetinə verdiyi müsahibəsində bildirib ki, onda
iki kişinin iştirakı ilə bağlı video yazılar var. Bu video
yazılarda təxmin etdiyi qatillərin məlumatları var. Onların
şəkilləri artıq Federal Təhqiqat Bürosuna verilib. Dedektivin
dediyinə görə, onda Uitninin narkotik alverçilərinin qurbanı
olduğuna dair sübutlar da var. Müğənninin küllli miqdarda narkotik
alverçilərinə borcu olub. Bu borca görə müğənni son vaxtlar daimi
təbiqlərdən artıq yorulmuşdu. Narkotik alverçiləri öz adamlarını
fevralın 11-i müğənninin evinə borca görə göndərib. Həmin gün
Xyuston evdə tək olub və göndərilən 2 nəfər müğənnini öldürüblər.
Uitni Xyustonun bədənində bunu təsdiq edən zədələr var. Təxmin
edilir ki, o, qatillərlə mübarizə aparanda bu zədələri alıb.