Ledi Qaqanın kostyumu təzyiqə səbəb oldu
Ledi Qaqanın silahlarla bəzənən son paltarı pərəstişkarlarının təzyiqinə səbəb olub.
Movqe.Az bildirir ki, ABŞ-lı müğənni Ledi
Qaqa Kanadada verdiyi konsertində geyindiyi silahlı paltarı ilə
diqqətləri çəkib. Pərəstişkarları, ABŞ-da yaşanan məktəb
qırğınından sonra belə bir kostyum geyməyin uyğun olmadığını
düşünürlər. "Daily Mail" qəzetinin xəbərinə görə, sənətçi şənbə
günü Kanadanın Vankouver şəhərində konsert verib. Səhnəyə iki
plastik silahla bəzənmiş büstqalteri və yaşıl şalvarı ilə çıxan
Ledi Qaqanın paltar seçimi təxminən bir ay əvvəl ABŞ-da yaşanan
məktəb qırğınıyla gündəmə gələn silahlanma mövzusunu xatırlatdığı
üçün tənqid olunub. Xatırladaq ki, ABŞ-ın Konnektikut əyalətində
yerləşən "Sandy Hook" adlı ibtidai məktəbdə Adam Lanza adlı adam
tərəfindən həyata keçirilən silahlı hücumda 20 uşaq və 6 müəllim
həlak olmuşdu.