Rusiya və Ərəb Liqası ölkədə vətəndaş müharibəsinə son qoymaq üçün Suriya hökuməti və müxalifəti arasında birbaşa danışıqlar aparılmasını istəyir.
Rusiyanın Xarici İşlər naziri Sergey Lavrov bu barədə danışarkən, "zorakılıq həll yolu deyil" sözlərini işlədib..
Müxalif Suriya Milli Koalisiyasının Misirdə iki günlük toplantısı çərçivəsində mümkün həll məsələlərini müzakirəsi zamanı ilk addım atılib.
BMT-nin hesablamalarına görə, 2011- ci ilin mart ayından bu yana prezident Bəşər Əsədə qarşı qalxan qiyamlarda təxminən 70000 insan həlak olub.
BBC-nin Qahirədəki müxbiri Cim Muir Suriya hökuməti ilə müxalifəti arasında danışıqların getməsinə baxmayaraq, hələ də perspektivin uzaq olduğunu söyləyib.
Cənab Lavrov isə qeyd edib ki, Kreml və Ərəb Liqası Suriya hökuməti və müxalifəti arasında birbaşa əlaqələrin qurulmasını istəyir.
Moskvada liqanın rəsmilərini və bir sıra Ərəb xarici işlər nazirlərini qarşılayan Rusiyanın xarici işlər naziri vurğulayıb ki, danışıqlar masasına oturmaq Suriyaya düzəlməz zərər vermədən münaqişəni həll etməyin yeganə yoludur.