Azərbaycanın İrandakı səfirliyində yaradılan seçki məntəqəsində yerli vaxtla səhər saat 08:00-da səsverməyə start verilib.

Movqe.az-ın apa- ya istinadən  xəbərinə görə, səsvermə hüququna malik Azərbaycan vətəndaşlarının prezident seçkilərində iştirakının təmin olunması üçün hər cür şərait yaradılıb.

Səsvermədə Tehranda fəaliyyət göstərən Azərbaycan diplomatları, onların ailə üzvləri, bu ölkədə müvəqqəti yaşayan və ezamiyyətdə olan vətəndaşlar iştirak edirlər.

Azərbaycanın Təbrizdəki Baş Konsulluğunun binasında da səsvermə keçirilir.