Diasporla İş üzrə Dövlət Komitəsi xaricdə yaşayan azərbaycanlılar üçün xüsusi dərsliklər hazırlayıb.

Mövqe.az xəbər verir ki, bunu Dövlət Komitəsinin sədri Fuad Muradov Yeni Azərbaycan Partiyasının (YAP) qərargahında keçirdiyi mətbuat konfransında deyib.

Onun sözlərinə görə, artıq həmin dərsliklər Təhsil Nazirliyinə təqdim edilib: "Ümumilikdə, 10 ölkədə - Almaniya (2), Macarıstan, Gürcüstan, İspaniya, Ukrayna, İtaliya, Türkiyə, Belçika və Polşada Azərbaycan evləri yaradılıb və gələcəkdə daha 8 ölkədə də yaradılması nəzərdə tutulub".