Gürcüstanın daxili işlər naziri Aleksandr Çikaidze Azərbaycanın bu ölkədəki səfiri Azər Hüseynlə görüşüb.

Səfir A.Çikaidzeni daxili işlər naziri vəzifəsinə təyin edilməsi münasibətilə təbrik edib və Gürcüstan Daxili İşlər Nazirliyi (DİN) ilə mövcud səmərəli əməkdaşlığı vurğulayıb.

Gürcüstan DİN-dən Trend-ə verilən məlumata görə, tərəflər əməkdaşlığın əsas istiqamətlərini və gələcək planları müzakirə ediblər.