Movqe.az xəbər verir ki, Misirin rəsmi xəbər agentliyi keçmiş Prezident Hüsnü Mübarəyin "kliniki" ölümünün reallaşdığını bildirib. Lakin ölkədə mövzuyla əlaqədar ziddiyyətli xəbərlər gəzir. Yarı rəsmi Əl Ehram qəzeti Mübarəyin fiziki olaraq həyatda qaldığını, lakin şüurunu itirdiyini iddia edib. Mübarəyin vəkili Ferid Eddib xüsusi bir kanala verdiyi müsahibəsində Hüsnü Mübarəyin həyatda olduğunu, şüurunun açılmağa çalışıldığını, həkimlərin Mübarəyə bəzi tibbi müdaxilə etdiklərini deyib. Agentliyin xəbərinə görə, Mübarək Tora Həbsxanasından Mead Hərbi xəstəxanasına göndərilib, lakin xəstəxanaya çatanda beyin ölümü reallaşıb. Jurnalistlərin xəstəxanaya girişinə icazə verilmir.