ABŞ Azərbaycanı regionda özünün vacib dostu hesab edir.

Bu səbəbdən də biz Azərbaycanın inkişaf etməsində maraqlıyıq.

APA-nın məlumatına görə, bunu ABŞ Konqresinin Helsinki komissiyasında Azərbaycan üzrə dinləmələr zamanı senator Ben Kardin bəyan edib.

Qarabağ nizamlanmasından danışan senator qeyd edib ki,  münaqişə regiondakı sabitliyə böyük maneədir:

"Biz təhlükəsizlik sahəsində irəliləyiş görmək istəyirik. "Status–kvo" isə qəbulolunmazdır".

B.Kardin bildirib ki, Azərbaycan və ABŞ BMT Baş Assambleyasının sessiyasında Ukraynanın ərazi bütövlüyünə səs verib.

Gələcək əməkdaşlıqdan danışan senator qeyd edib ki, ABŞ Azərbaycanı sabit və çiçəklənən ölkə kimi görmək istəyir.