Türkiyənin Fransadakı səfiri Hakkı Akil erməni əsilli Fransa vətəndaşının hücumuna məruz qalıb. Movqe.az-ın məlumatına görə, səfir Hakkı Akil martın 2-də Parisdəki Descartes Universitetində "Fransa və Türkiyədə dünyəvilik" mövzusunda çıxış edərkən bir nəfər ona yaxınlaşaraq üzərinə nar şirəsi atıb. Həmin şəxs təhlükəsizlik xidmətinin əməkdaşları tərəfindən saxlanılıb. Hadisədən sonra türkiyəli diplomat çıxışına davam edib.