Türkiyənin baş naziri 3 ölkəyə səfər
edəcək. Türkiyənin baş naziri Rəcəb Tayyip Ərdoğan bu gün
başlayacaq səfər proqramı çərçivəsində Azərbaycan, Ukrayna, eləcə
də Bosniya və Hersoqovinaya səfər edəcək. Lent.az-ın Türkiyənin
"Sabah" qəzetinə istinadən verdiyi məlumata görə, bu gün Ərdoğan
Qəbələ və Şəkidə olacaq. Prezident İlham Əliyevlə görüşdə iki ölkə
arasında regional və ikitərəfli məsələlər, eyni zamanda enerji
məsələləri müzakirə ediləcək.
Qeyd edək ki, Ərdoğanla birlikdə ölkəmizə baş nazirin müavini Bəkir
Bozdağ, xarici işlər naziri Əhməd Davudoğlu, milli müdafiə naziri
İsmət Yılmaz, enerji naziri Taner Yıldız, iqtisadiyyat naziri Zəfər
Çağlayan və nəqliyyat naziri Binəli Yıldırım səfər edəcək.
Türkiyə hökumətinin başçısı Azərbaycandan Ukraynaya
yollanacaq.