Aydın Mirzəzadə: “Avropada bir neçə səlahiyyətli şəxs bu gün özünün Azərbaycana qarşı olan antipatiyasını vəzifə səlahiyyətindən kənara çıxarıb” Fəzail İbrahimli: “Ölkəmizi istəməyənlər narahatdır ki, Azərbaycanla bağlı şantaj xarakterli hərəkətləri üzə çıxanda özləri ifşa olunacaqlar”

Avropa Oyunları fonunda müəyyən xarici dairələrin ölkəmizə qarşı qarayaxma kampaniyası aparması heç kimə sirr deyil. Bu günlərdə isə BMT-nin insan haqları üzrə xüsusi məruzəçisi Mişel Forst, ATƏT-in media azadlığı üzrə təmsilçisi Dunya Miyatoviç və Avropa Şurasının insan haqları kommisarı Nils Mujnieksin "OpenDemocracy" portalında yayılmış ortaq məqaləsi də anti-Azərbaycan şəbəkəsinin növbəti təxribat cəhdi hesab olunur.

Lakin sözügedən 3 şəxsin indiki mövqeyi beynəlxalq ictimaiyyətin iradəsinə qarşı fəaliyyət kimi dəyərləndirilməlidir. Çünki həmin 3 şəxs insan haqları məsələsinə cavabdeh olduqları halda, məqalədən də görünür ki, təmsil olunduqları statusdan kənara çıxaraq, yaxınlaşan idman Oyunlarına ləkə salmağa çalışırlar.

Millət vəkili Aydın Mirzəzadənin fikrincə, bu addım həmin üç nəfərin vəzifə səlahiyyətindən kənara çıxaraq şəxsi münasibətlərini ortaya qoymalarının nəticəsidir: "Hesab edirəm ki, ölkəmizə qarşı bu təxribat xarakterli məqalə də BMT-nin insan haqları üzrə xüsusi məruzəçisi Mişel Forst, ATƏT-in media azadlığı üzrə təmsilçisi Dunya Miyatoviç və Avropa Şurasının insan haqları kommisarı Nils Mujnieksin şəxsi əqidəsindən irəli gələn məsələdir. Vəzifə mədəniyyəti onların şəxsi əqidəsini bir kənara qoyaraq, məhz vəzifəsinin səlahiyyəti çərçivəsində hərəkət etməyi tələb edir. Təəssüf ki, bu prinsiplər yaddan çıxır. Onlar özlərinin hansısa bir ölkəyə, hansısa bir məsələyə şəxsi münasibətini hər şeydən önə çəkirlər. Bu gün Azərbaycan dünya birliyinin fəal və nüfuzlu üzvlərindən biridir. Avropa ilə əməkdaşlığa yüksək əhəmiyyət verən və bu istiqamətdə böyük işlər görmüş müstəqil dövlətik. Bu baxımdan Azərbaycanda cərəyan edən işlər əslində, Avropada maraq doğurur. Bir neçə şəxsin Azərbaycanla bağlı qeyri-obyektiv çıxışı heç də reallığı əks etdirmir. Bir neçə gündən sonra ölkəmizdə açılışı gözlənilən yarışlar Azərbaycanın deyil, Avropanın tədbiridir. Məhz Avropanın verdiyi mandat əsasında Azərbaycan bu Oyunları yüksək şəkildə təşkil edir. Görünür, Avropada müəyyən dairələr hesab edirdi ki, iki il ərzində Azərbaycan yarışlara hazırlığı tam şəkildə başa çatdıra bilməyəcək. Ona görə də iki il bundan əvvəl Avropa Oyunlarının Azərbaycanda keçirilməsi barədə qərar qəbul ediləndə öz etirazlarını bildirməmişdilər. Onlar hesab edirdi ki, Azərbaycan bu işin öhdəsindən gələ bilməyəcək və sonradan ölkəmizi qınamaq üçün yeni bir arqument təqdim edəcəklər. Amma bu, onların əlindən çıxdı. Azərbaycan yüksək məsuliyyət və eyni zamanda, müasirlik ortaya qoydu. Bu zaman bəziləri ölkəmizə qarşı sadəcə olaraq, aqressiv münasibət sərgiləməkdən başqa digər variant tapa bilmədilər. Təəssüf edirəm ki, Avropada bir neçə səlahiyyətli şəxs bu gün özünün Azərbaycana qarşı olan antipatiyasını vəzifə səlahiyyətindən kənara çıxarıb. Bu isə yolverilməzdir, onların fəaliyyətində bu amil qara ləkə kimi qalacaq. Ancaq əsas odur ki, obyektiv, demokratik Avropa Azərbaycanla bir yerdədir. İyunun 12-də startı veriləcək idman bayramını dostluq və sülh şəraitində Azərbaycanla birgə qeyd edəcəklər".

Millət vəkili Fəzail İbrahimli düşünür ki, ölkəmizə qarşı təxribata keçən bu şəxslər müəyyən qüvvələrin təsiri altında olduqlarından buna gedirlər: "Dünya siyasət və maddiyyat üzərində qurulub. Bəzən siyasəti də maddiyyat təmin edir. Daha filosofluq etməyə ehtiyac qalmır. Dünyada gedən siyasət, haqqın-ədalətin ünvanının zor olduğu bir məqamda belə şeylər bizim üçün xüsusi təsir doğurmamalı, əhvalımıza təsir etməməlidir. Karvan öz yolu ilə gedir. Azərbaycan inkişaf edir. Dünya miqyasına çıxır. Ölkəmiz Avropa ailəsinə qoşulur. Azərbaycanın uğurları artdıqca, ölkəmizə qarşı olan belə xarakterli məsələlərin fəlsəfəsi də güclənir. Onlar Azərbaycanla bağlı xüsusi qayğı çəkən insanlar da deyil. Azərbaycanın inkişafı da onlar üçün maraqsızdır. Həmçinin, ölkəmizdəki insan hüquqları məsələsi də onlar üçün maraqsızdır. Öz ölkələrində gedən proseslərin özü də onlar üçün xüsusi önəm kəsb etmir. Azərbaycanla bağlı təxribat xarakterli məsələlərin onların dilindən səslənməsi ancaq və ancaq təmsil olunduqları siyasi dairələrin təsirindəndir. Hələ bilmirik, seçki kampaniyası dövründə onların maliyyəsini kimlər təşkil edib. Bəlkə də ermənilərin maliyyələşdirdiyi deputatlardır. Onlar Azərbaycanı sevməyən qüvvələrin ağuşunda olan adamlardır. Təbii olaraq da Azərbaycanı sevməyən qüvvələrin dostluğunda olan adamlar da anti-Azərbaycan mövqeyində durmalıdır. 10 ildən çoxdur Avropa Şurasında təmsil olunuram. Orada da bu xarakterli məsələlər baş verir. Ona görə də həmin 3 nəfərin sözügedən məqaləsi bizim üçün təəccüb doğurmamalıdır. Sadəcə olaraq, öz işimizlə məşğuluq. Azərbaycan ilk Avropa Oyunlarını keçirmək missiyasını üzərinə götürüb və bu istiqamətdə uğurlarını davam etdirir. Bu Oyunlarla Azərbaycan mədəniyyətini dünyaya göstərəcəyik. Ölkəmiz haqqında olan böhtanların yanlış olduğunu sübut edəcək və Azərbaycan həqiqətlərini üzə çıxaracağıq. Ölkəmizi istəməyənlər isə narahatdır ki, Azərbaycanla bağlı şantaj xarakterli hərəkətləri üzə çıxanda özləri ifşa olunacaqlar". mily:"Arial TUR"; mso-fareast-font-family:"Times New Roman";mso-ansi-language:RU;mso-fareast-language: RU;mso-bidi-language:AR-SA'>ılarla dost münasibətlərə nail olmaq gərəkdir ki, kənardan ikincilər əngəllər yaratmasın. Azərbaycan siyasəti bu istiqamətdə nə mümkündür, edir".