Azərbaycan müdafiə nazirinin Litva və Latviyaya rəsmi səfəri başlayıb
Hər iki ölkənin rəhbərliyi ilə bir sıra görüşlərin keçirilməsi nəzərdə tutulub
Azərbaycanın müdafiə naziri general-polkovnik Zakir Həsənov Litva və Latviyaya rəsmi səfərə gedib.
Movqe.az xəbər verir ki, məlumatı Müdafiə Nazirliyinin mətbuat xidməti yayıb.
Müdafiə naziri iyulun 1-dən 2-dək Litvada və iyulun 2-dən 4-dək Latviyada səfərdə olacaq.
Hər iki ölkənin rəhbərliyi ilə bir sıra görüşlərin keçirilməsi, ikitərəfli hərbi əməkdaşlığın perspektiv istiqamətlərinin müzakirə edilməsi, təhlükəsizlik və digər məsələlərə dair fikir mübadiləsinin aparılması planlaşdırılıb.