Beynəlxalq Əsassız Erməni İddiaları ilə Mübarizə Dərnəyi (ASİMDER) Şərqi və Cənub-şərqi Anadolu bölgəsinin nümayəndəsi İrfan Ermiş Axtamar adasındakı erməni ayininə etiraz etmək üçün Türk diaspor təşkilatlarını bu adaya dəvət edib.
ANS PRESS-in məlumatına görə, 2014-cü ildə İrəvandakı tarixi "Göy" məsciddə ibadət etmələrinə izn verilmədiyini deyən İrfan Ermiş bildirib ki, Van vilayətinin Axtamar adasındakı eyni adlı kilsədə ayinə izn verilməməlidir. Ermiş Türk diaspora təşkilatlarını ayinin keçiriləcəyi sentyabr ayında etiraz aksiyası üçün Axtamara dəvət edib.
"Dövlətimiz erməni icmasının 2015-ci ilin sentyabrında Vanın Axtamar adasında keçirəcəyi ayinə izn verib. Bütün ölkələrdə qurulmuş, fəal olan Türk və Azərbaycan diaspor təşkilatlarını bu ayinə etiraz etmək üçün Vana dəvət edirəm. ASİMDER olaraq hər yerdən gələn üzvlərimizlə biz də bu ayinə etiraz edəcəyik. Atalarımıza aid olan İrəvanda yerləşən "Göy" məsciddə cümə namazı qılmağımıza izn verməyən quldur dövləti Ermənistana etiraz etmək üçün biz də Vanın Gevaş rayonunda olan Axtamar adasındakı xristian Peçenek türklərinə aid olan kilsədəki hacı olmaq ayininə izn verməyəcəyik. Səbəb məlumdur, 2014-cü ildə Ermkənistanın paytaxtı İrəvandakı "Göy" məsciddə cümə namazı qılmaq üçün Türkiyədən 14 QHT ASİMDER Mərmərə bölgə nümaytəndəliyinin önçülüyü ilə Ermənistan rəsmilərinə müraciət etmişdi. Amma Ermənistan, dövlət siyasətimizə ziddir – deyərək bu tələbi qəbul etmədi. Biz də etiraz olaraq qanunvericiliyə uyğun şəkildə ayinə iznverməyərək xalqımızı məlumatlandırıb başda Azərbaycan Respublikası, Dünya Azərbaycanlıları Konqresinin üzvləri, Azərbaycan diasporu və Türkiyədə olan bütün QHT-ləri dəvət edirik. Xaricdə və ölkə daxilində olan bütün QHT-lərin bu dəvətə cavab vermələrini gözləyirik. Dünya Azərbaycanlıları Konqresinin üzvlərini də yanımızda görmək istəyirik. Biz qətliam törədərək torpaq işğal etmirik. Sadəcə onlara başa düşdükləri dildə cavab veririk". Xatırladaq ki, İrfan Ermiş təxminən 10 gün əvvəl bəyanatla mətbuat qarşısında çıxış etmişdi. Həmin bəyanatda, ermənilərin Axtamarda ayin keçirmələrinə izn verilməməsi tələb olunurdu.
