Ankarada törədilən teraktla bağlı kamikadzenin şəxsiyyəti müəyyənləşdirilib
Oktyabrın 10-da Ankarada terror aktını törədən kamikadzelərdən birinin şəxsiyyəti və vətəndaşlığı məlum olub. Movqe.az-ın məlumatına görə, bu barədə "Yeni şafak" qəzeti Milli Kəşfiyyat Təşkilatına (MİT) istinadən məlumat verir.
Kamikadze Türkiyə vətəndaşı olub və hazırda onun İŞİD-lə əlaqəsinin olub-olmaması araşdırılır.
Kamikadzenin adı bəzi səbəblərə görə, açıqlanmır.
Qeyd edək ki, oktyabrın 10-da Ankarada törədilmiş terror aktı zamanı 97 nəfər ölüb, 240-dan çox şəxs isə yaralanıb.