Huqo Çavez and içə bilməyəcək
Movqe.Az bildirir ki, Venesuela lideri Huqo
Çavezin yanvarın 10-u and içə bilməyəcəyi açıqlanıb. Məclis
Başçısı Diosdado Kabello, Çavezin sağlamlıq problemləri səbəbiylə
10 yanvar Məclisdə təşkil ediləcək and mərasiminə qatıla
bilməyəcəyini bildirib. Konstitusiyaya görə prezidentin vəfatı və
ya vəzifəsini icra edə bilməz vəziyyətə gəldiyi zaman 30 gün içində
yeni seçkilərin keçirilməsi lazımdır. Prezidentin köməkçisi Nikolas
Maduro, bəzi müxalifət partiyalarının Çavezin and mərasiminə qatıla
bilməməsinə görə ümumi seçkilərin təkrarlanması lazım olduğu
fikirini rədd edib, konstitusiyaya görə Çavezin and mərasimindən
sonra da vəzifəsinin başında olacağını, lazım olsa daha sonrakı bir
tarixdə and içə biləcəyini vurğulayıb. Digər tərəfdən, ABŞ Xarici
İşlər Nazirliyinin spikeri Viktoria Nuland, Çavezin sağlamlığı üçün
narahat olduqlarını dilə gətirərək ''Çavezin tez bir zamanda
sağlamlığına qovuşmasını arzulayırıq'' sözlərini söyləyib.