Movqe.az xəbər verir ki, Misir prezidenti Məhəmməd Mursi ölkədə son günlərdə baş verən hadisələr səbəbilə Port Səid, İsmayilliyə və Süveyş şəhərlərində fövqəladə hal elan edib. Misir prezidenti ölkədə son 4 gündə reallaşan hadisələr və 40-dan çox şəxsin ölməsi səbəbilə bu gün dövlət televiziyasında xalqa səslənib. Mursi Süveyş Kanalı ətrafındakı 3 şəhərdə fövqəladə hal qərarı aldığını bildirib. Port Səid, İsmayilliyə və Süveyş şəhərlərində 30 gün ərzində fövqəladə hal elan edildiyini ifadə edən Misir lideri, gecə də bu şəhərlərdə küçəyə çıxma qadağası tətbiq edildiyini vurğulayıb. Mursi, televiziyada etdiyi çıxışında, "Mən fövqaladə tədbirlərə qarşı olduğumu söyləmişdim. Lakin xalqı qorumaq və tökülən qanın qarşısını almaq üçün tədbir görmək lazımdır." deyib. Mursi, fövqəladə halın bazar ertəsi yerli vaxtla 23.00-da başlayacağını və 06.00- a qədər davam edəcəyini ifadə edib.