Uşaq kanalı ilə bağlı qərar bu ilin sonunadək veriləcək
"Azərbaycanda uşaq kanalının yaradılıb-yaradılmayacağı barədə qərar
bu ilin sonunadək veriləcək". Bu məlumatı Movqe.az-a Milli
Televiziya və Radio Şurasının (MTRŞ) aparat rəhbəri Toğrul Məmmədov
verib. T. Məmmədovun sözlərinə görə, hazırda Azərbaycanda uşaq
kanalının yaradılmasına ehtiyac olub-olmadığı araşdırılır: "Ölkə
prezidentinin 2011-ci ildə imzaladığı "Azərbaycanda insan hüquq və
azadlıqlarının müdafiəsinin səmərəliliyinin artırılması
sahəsində milli fəaliyyət proqramı"ilə bağlı sərəncamı ilə uşaq
kanalının yaradılmasına ehtiyacın olub-olmadığının araşdırılmasına
ayrılan vaxt bu ilin sonunda bitir. Ona görə də, hələki reklam
bazarının vəziyyəti öyrənilir. İlin sonunadək uşaq kanalının
yaradılıb-yaradılmaması ilə bağlı qərar veriləcək".