Naxçıvan Muxtar Respublikasının Dövlət Televiziya və Radio Verilişləri Komitəsi Kütləvi İnformasiya Vasitələrinin İnkişafına Dövlət Dəstəyi Fondunun təşkilatçılığı ilə 31 may-2 iyun tarixlərində Naxçıvana səfər edən KİV rəhbərlərinin təəssüratlarını öyrənib. Movqe.az-ın naxcivantv.az saytına istinadən məlumatına görə, səfər çərçivəsində media nümayəndələri qədim diyarın tarixi - mədəni abidələri, istehsal müəssisələri, gəzib-görməli yerləri ilə tanış olub, “Naxçıvanın turizm potensialının tanıdılmasında medianın rolu” mövzusunda keçirilən konfransda iştirak ediblər.  Qələm sahibləri Naxçıvan Televiziyasına müsahibə veriblər. Movqe.az Naxcivantv.az saytına istinadən həmin müsahibələri təqdim edir.