Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev qəbul keçirib.
Dövlət Komitəsindən Movqe.az-a verilən məlumata görə, görüşdə Dövlət Komitəsinin sədr müavinləri, şöbə və departament müdirləri, Bakı şəhəri üzrə sektor müdirləri və ərazisi işğal olunmuş rayonların icra hakimiyyəti başçılarının müavinləri iştirak ediblər.
Qəbulda Bakı şəhəri və ətraf qəsəbələrdə məskunlaşmış məcburi köçkünlər iştirak edib. Məcburi köçkünlərin müraciətləri ayrı-ayrılıqda dinlənilib. Qəbula gələnlər Komitə sədrinə, əsasən, mənzil, işə qəbul, kommunal xidmətlər və digər sosial problemlərin həlli ilə bağlı müraciət edib.
Bütün müraciətlər Dövlət Komitəsi tərəfindən qeydə alınıb. Dövlət Komitəsinin sədri müraciətlərin qısa müddətdə araşdırılması və müvafiq tədbirlər görülməsi üçün tapşırıqlar verib