Fövqəladə hallar naziri general-polkovnik Kəmaləddin Heydərov tərəfindən 19 aprel saat 11:00-da Sumqayıt şəhərində vətəndaşların qəbulu həyata keçiriləcək. Nazirlikdən Mövqe.az-a verilən məlumata görə, Qəbulda yalnız Sumqayıt şəhərinin, Abşeron və Xızı rayonlarının sakinləri, habelə Sumqayıt şəhəri, Abşeron və Xızı rayonlarında müvəqqəti məskunlaşmış məcburi köçkünlər iştirak edə bilərlər. Qəbulda Fövqəladə Hallar Nazirliyinin fəaliyyəti ilə bağlı müraciətlərə baxılacaq. Qəbula gələn vətəndaşların qeydiyyatı Fövqəladə Hallar Nazirliyinin Sumqayıt Regional Mərkəzinin inzibati binasında həmin gün saat 08:00-dan aparılacaq.

Qeyd edək ki, qəbula gələn vətəndaşlar şəxsiyyəti təsdiq edən sənəd təqdim etməlidirlər.