![](https://azvision.az/photos/2018/10/0e081-1539003373.jpg)
Silah və hərbi texnika qış mövsümünə keçirilir
Azərbaycan ordusunun bütün hərbi hissə və bölmələrində silah, döyüş və xüsusi texnikanın istismarının qış mövsümünə keçirilməsi prosesi aparılır.
Müdafiə Nazirliyinin mətbuat xidmətindən Movqe.az-a verilən məlumata görə, silah və texnikanın qış dövründə fasiləsiz və dayanıqlı istismarını təmin etmək məqsədilə bütün hərbi hissələr mərkəzləşdirilmiş qaydada yanacaq-sürtkü materialları, digər zəruri ehtiyat hissələri və avadanlıqlarla təmin edilib.
Hərbi hissələrdə fəaliyyət göstərən texniki xidmət məntəqələrində döyüş və xüsusi texnikaların yanacaq-sürtkü materialları dəyişdirilib, onlara planlı şəkildə qulluq göstərilib. Qış istismar rejiminə keçid soyuq iqlim şəraitində, dağlıq-düzənlik ərazidə, gecə və gündüz hərbi hissələrin döyüş qabiliyyətinin artırılması, eləcə də döyüşə hazırlığının yüksək səviyyədə saxlanılması məqsədilə icra olunub.
![](https://azvision.az/photos/2018/10/0e081-1539003373.jpg)
![](https://azvision.az/photos/2018/10/7f0b1-3078006746.jpg)
![](https://azvision.az/photos/2018/10/8cead-4617010119.jpg)
![](https://azvision.az/photos/2018/10/374e0-6156013492.jpg)
![](https://azvision.az/photos/2018/10/7113f-7695016865.jpg)
![](https://azvision.az/photos/2018/10/99925-9234020238.jpg)
![](https://azvision.az/photos/2018/10/b4fd9-10773023618.jpg)