ADAU-nun daha 30 tələbəsi sürücülük vəsiqəsi alıbAzərbaycan Dövlət Aqrar Universitetin Mühəndislik fakültəsinin nəzdində fəaliyyət göstərən traktor və digər mexaniki nəqliyyat vasitələrini idarə etmək üçün sürücülük kurslarını bitirən daha 32 tələbəsi sürücülük vəsiqəsi alıb.

Kursu bitirən daha 32 tələbə Kənd Təsərrüfatı Nazirliyi yanında Baş Dövlət Texniki Nəzarət Xidmətin "Traktor və digər mexaniki nəqliyyat vasitələrini idarə etmək” üçün “T”, “TK”, “TT”, “H” kateqoriyaları üzrə onlayn sürücülük testindən keçib. Test prosesi ADAU-nun Sürücülük kursu və İnformasiya texnologiyaları, elektron qeydiyyat şöbəsinin birgə təşkilatçılığı ilə keçirilib.

Testin nəticələri ilə test iştirakçıları dərhal monitorda əks olunan məlumatlar vasitəsi məlumatlandırılıb.

Tələblərə uyğun minimum 9 sualı düzgün cavablandıranlar testi uğurla keçmiş hesab olunublar.

Test imtahanından uğurla keçən 32 iştirakçı müvəffəq qiymət alaraq sürücülük vəsiqəsi qazanıblar.
                                                          

Əlihüseyn Şükürov