Əlaqə Arxiv
news Image
2013.04.24
17:55
| A A A
Yağış bəzi yollarada yenə keçilməz gölməçələr yaradır-Fotolar
Zemfira Budaqova: «Yağış yağan zaman gölməçələrin olmaması üçün yeraltı kanallar olmalıdır» Anar Cəbrayıllı: «Bakı şəhəri, Abşeron yarımadası üçün master plan hazırlamışıq»

Bir neçə gün aramsız davam edən yağışın yaratdığı ən böyük fəsadlardan biri paytaxtın bəzi küçə və yolllarında avtomobillərin belə çətin keçə bildiyi gölməçələr yaratması oldu. Yağan güclü yağış nəticəsində hansı səbəbdən belə gölməçələrin əmələ gəlməsi ilə bağlı Mövqe.az-a açıqlama verən Müstəqil Memarlar Assosiasiyasının (MMA) prezidenti Zemfira Budaqova bildirirı: "Yağış yağan zaman gölməçələrin olmaması üçün yeraltı kanallar olmalıdır. Əvvəllər onlar olub. Həmin kanalları yenidən ya bərpa etməlidirlər ya da ki, təzədən çəkməlidirlər.

5 mərtəbəli bina üçün nəzərdə tutulan kanalizasiya xəttinə 16 mərtəbəli binaların kanalizasiya xəttləri də qoşulur. Əlbəttə ki, belə olduğu halda həmin sular getməyə yer tapmayacaq. Ona görə də bina istifadəyə verilməzdən əvvəl onun komnukasiya sistemi ilə bağlı mühüm məsələlər həll olunmalıdır. Bu, şəhər salmanın qanunlarıdır. Su axanda yolun ortasında qalmamalıdır. Səkilərə tərəf yönələn su, barmaqlıqlara axıb tökülməlidir. Yol uzununa düz olarsa onun bəzi yerlərini qeyri-təbii şəkildə qaldırılmalıdır. Bizdə isə bəzi yolları düm-düz çəkirlər. Yağış da yağanda ona görə gölməçələr yaranır, asfaltlar, yollar tez-tez sökülür".

"Azərsu" Səhmdar Cəmiyyəti mətbuat xidmətinin rəhbəri Anar Cəbrayıllı isə yağış barmaqlıqları barədə qeyd edir: "60-dan çox ünvanda bu işləri gördük. İndi isə Bakı şəhəri, Abşeron yarımadası üçün master plan hazırlamışıq. Bu gün artıq İnşaatçılar metrosu həndəvərində , Neftçilər prospektində, Zərdabi küçəsində, Mətbuat prospektində və bir çox yerlərdə biz bu məsələni həll etmişik. Şəhər üzrə bu problem qismən həll edilsə də, bir neçə ünvanlarda biz bu məsələni kökündən həll etmişik. Bu sahə üzrə bizim planlarımız çoxdur. İstəyirik ki, əvvəl şəhərin özündə, sonra isə ətraf yerlərdə bu məsələ həll olunsun və yağış barmaqlıqları quraşdırılsın. Bu il də yağış barmaqlıqlarının quraşdırılması nəzərdə tutulsa da, ancaq bu proses reallaşmayıb".


P.S Yazıda istifadə olunan şəkillər faktxeber.com saytına məxsusdur.


Sizin Reklam Yeriniz