Sumqayıtda FHN əməkdaşını qətlə yetirən şəxs saxlanıldı
Sumqayıt şəhərində Fövqəladə Hallar Nazirliyinin əməkdaşı qətlə yetirilib.
Movqe.az-ın məlumatına görə, hadisə Fövqəladə Hallar Nazirliyinin Sumqayıt Xüsusi Riskli Xilasetmə Xidmətinin həyətində baş verib.
Naməlum şəxs səhər saatlarında xidmətin ərazisinə daxil olaraq qurumun əməkdaşı, çavuş, 1984-cü il təvəllüdlü Kərimov Emin Vəli oğlunu ürəyindən bıçaqlayaraq qətlə yetirib.
Qətli törədən şəxs polisə könüllü təslim olub və hadisəni namus üstə törətdiyini bildirib.
Sumqayıt Şəhər Prokurorluğundan Trend-ə verilən məlumata görə, faktla bağlı cinayət işi başlanıb, istintaq gedir.