Əlaqə Arxiv
news Image
2019.06.04
15:00
| A A A
Metroda havalandırmanın yaxşılaşdırılması üçün 7 ventilyator quraşdırılacaq (FOTO)

Bu il metro stansiyalarında havalandırmanın yaxşılaşdırılması üçün 7 ventilyator quraşdırılacaq.

Movqe.az-ın məlumatına görə, bunu jurnalistlərə açıqlamasında “Bakı Metropoliteni” QSC-nin Elektromexanika Xidmətinin rəisi Nüsrət Abdullayev deyib.

Onun sözlərinə görə, hazırda metronun “Memar Əcəmi” və “ Qara Qarayev” stansiyalarında hər birində bir ədəd 75 kVt-luq ventilyatorlar quraşdırılıb:

“Hazırda xüsusi sifariş əsasında Rusiyanın “Ventprom” maşınqayırma zavodunun məhsulu olan 7 ventilyator Bakıya gətirilib. Ventilyatorların idarəetmə sistemləri Almaniyanın “Siemnes” və “Schneider” şirkətlərinin avadanlıqları üzərində qurulub. Bu il stansiyalarda 7 ventilyator dəyişdiriləcək, gələn il üçün isə daha 10 ədəd ventilyatorun alınması nəzərdə tutulur”.

N.Abdullayev bildirib ki, yaxın vaxtlarda "Nizami", "Nərimanov" və "Ulduz" stansiyalarında da ventilyatorlar quraşdırılacaq:

“Ventilyatorlardan 4-ü 75 kVt-luq , 3-ü isə 55 kVt-luqdur. 2 ədəd 55kVt-luq ventilyator “Nərimanov” və “Ulduz” stansiyalarının arasındakı tuneldə, biri isə “Nizami” stansiyasında quraşdırılacaq”.

Sizin Reklam Yeriniz