Dünyada koronavirusa yoluxanların sayı 19 avqust səhər saatlarına olan məlumata əsasən 22 milyonu ötüb.

Mövqe-nin TASS-a istinadən verdiyi məlumata görə, bunu ABŞ-ın Con Hopkins Universitetinin apardığı hesablamalar göstərib.

Universitetin məlumatında bildirilir ki, hazırda yoluxanların sayı 22 046 135 nəfər təşkil edir, 778 557 nəfər xəstəlikdən ölüb, 14 020 530 nəfər isə sağalıb.

Yoluxma hallarının çoxu ABŞ-da (5 479 788) qeydə alınıb. Bunun ardınca Braziliya (3 407 354) və Hindistan (2 702 742) gəlir.