Paytaxtın üç rayonunda su olmayacaq
Bakı şəhərinin Binəqədi rayonu ərazisindən keçən magistral su xəttində yenidənqurma işləri aparılır. "Azərsu" ASC-nin mətbuat xidmətindən Movqe.az-a verilən məlumata görə, bununla əlaqədar, oktyabrın 22-də gün ərzində paytaxtın Yasamal, Binəqədi və Nəsimi rayonlarının bir hissəsinə içməli suyun verilməsində məhdudiyyətlər olacaq. Yaranmış narahatlıqla əlaqədar "Azərsu" abunəçilərdən üzr istəyir.