Movqe. Az APA – ya istinadən
bildirir ki, nazirliyin Bioloji Müxtəlifliyin Qorunması və Xüsusi
Mühafizə Olunan Təbiət Ərazilərinin İnkişafı Departamentinin
direktor müavini Hikmət Əlizadə bildirib ki, Ağdam, Xanlar,
Goranboy, Daşkəsən, Gədəbəy və Tərtər rayonlarında, Xəzər dənizinin
adalarında, yaşıl zonalarda, xüsusi mühafizə olunan ərazilərdə,
şəhərlərin və kurort ərazilərinin ətrafındakı 1 kilometrə qədər
sahələrdə ov qadağan edilib.
Onun sözlərinə görə, Azərbaycanda ov
icazəsi Bakı Şəhər Ekologiya və Təbii Sərvətlər Departamenti və
Ərazi Ekologiya və Təbii Sərvətlər şöbələrindən alınmalıdır. H.
Əlizadə birdəfəlik ov icazəsinin qiymətlərini də açıqlayıb. O deyib
ki, bu məbləğ dovşan üçün 2 manat 20 qəpik, çaqqal üçün 3 manat 96
qəpik, yenot və qunduz üçün 1 manat 65 qəpik, təkə üçün 24 manat 75
qəpik, qaban (çöl donuzu) üçün 16 manat 50
qəpikdir.
Qeyd edək ki, Azərbaycan ərazisində 2012-2013-cü illər üçün
ov mövsümü iyunun 2-dən açıq elan
edilib.
Türkan Nadirqızı
Movqe.Az