Əlaqə Arxiv
news Image
2014.03.18
16:24
| A A A
Regionlarda universitetlərin açılması ideyasına baxışlar haçalandı
Məhərrəm Zülfüqarlı: «Regionlarda universitetlərin açılması fikrini dəstəkləmək lazımdır» Qüdrət İsaqov: «Bu gün Azərbaycanda universitetlərin sayı heç də az deyil»

Bu günlərdə millət vəkili Musa Qasımlı Milli Məclisdə Azərbaycanın regionlarında da universitetlər açılmalıdır: "Hazırda minlələ gənc qəbul imtahanı vermədən ailə büdcəsi hesabına Rusiya, Ukrayna və Gürcüstanın aşağı səviyyəli universitetlərin akreditasiyadan keçməyən fakültələrində təhsil alırlar. Onların çoxu 4 illik təhsil əvəzinə 5 il, bəzəın 8 il təhsil alır. Bəziləri isə heç universiteti bitirə bilmirlər. Belə olan halda Azərbaycan haqqında mənfi rəy yaranır, ölkənin vəsaiti xaricə gedir. Ölkəyə gəldiyi zaman dövlətə tamam başqa münasibət bəsləyir. Azərbaycan azad ölkədir, vətəndaşın xarici ölkyə gedib təhsil alması normal haldır və bunu qadağan etmək mümkün deyil. Biz alternativlər axtarmalıyıq. Zənnimcə, Şirvan, Şamaxı, Quba, Mingəçevir və Qazaxda universitetlərin açılması zəruridir. Dağıstanda və Gürcüstanda yaşayan azərbaycanlıları nəzərə alsaq, bunun nə qədər vacib olduğunu görmək mümkündür".

Millət vəkilinin bu təklifinə ekspertlərin münasibətini öyrəndik. Təhsil üzrə ekspert Məhərrəm Zülfüqarlı təklifi müsbət qarşıladı: "Çox müsbət təklifdir. Lakin bir məsələni qeyd etmək lazımdır ki, dövlət müstəqilliyimiz 23 ildir bərpa edilsə də, bəzi ali məktəblərdə sovet dövründən qalma mənfi hallar davam etməkdədir. Bunlar korrupsiya, tapşırıqla qiymət yazılması və s. bu kimi hallarla bağlıdır. Əgər bu hallar aradan qaldırılmasa, Azərbaycanın mərkəzi ilə bərabər regionlarda açılacaq universitetlər saxta diplom alan şəxslərin, savadsız kadrların sayını çoxaldacaq. Regionlarda universitetlərin açılması fikrini dəstəkləmək lazımdır. Amma bir şərtlə ki, neqativ halların aradan qaldırmaq yolu ilə normal təhsil verilsin".

Ekspert Qüdrət İsaqov isə regionlarda universitetlər açılması fikrini dəstəkləmir. Onun sözlərinə görə, regionlarda universitetlər açılması üçün həm kadr bazası baxımından, həm də ki, onların yüksək texnologiya ilə təmin edilməsi baxımından maneələr var: "Düşünürəm ki, bu gün Azərbaycanda universitetlərin sayı heç də az deyil. Hətta çoxdur deyərdim. Amma əsas olan universitetin sayı yox, orda keçilən təhsilin keyfiyyətidir.

Universitetlər iqtisadiyyatımızla və digər sahələrlə paralel olaraq yaradılmalıdır. Həm də bu universitetlərdə təhsil verəcək pedoqoji kadr potensialımız da kifayət qədər deyil. Ona görə də, mənim fikrimcə, regionlarda çoxlu universitetlərin açılması tədrisin keyfiyyətini aşağı salacaq. Bu, həm regionların özünə, həm də Bakıya təsir edəcək".


Sizin Reklam Yeriniz