Sirr deyil ki, körpə uşağı olan valideynlərin üz tutduqları insanlardan biri çöpçülərdir. Bəzən olur ki, uşaqda qızdırma, qarın ağrısı, nəfəs almada problem olan kimi bir çox valideynlər çöpçülərə üz tuturlar. Çöpçülər isə üfürərək uşağın burnundan müxtəlif meyvə qabığı, tumu, kiçik sümük qırığı belə çıxarırlar. Hətta bəzən qəpik çıxaran çöpçülər belə olur. Valideynlər isə əksər hallarda çöpçülərin daimi müştərisi olmağa. Nəticə olaraq bu gün çöpçülərin qazancı kifayət qədər yaxşıdır.
Tibb məsələləri üzrə ekspert Adil Qeybulla
bildirir ki, çöpçülüyün heç bir elmi əsası yoxdur və bu işlə məşğul
olan fırıldaqçılardır. Həkim bildirir ki, çöpçülərin istifadə
etdikləri alətlər heç də steril deyil və müxtəlif xəstəliklərin
daşıyıcısı ola bilər: "Çöpçülüyün heç bir elmi əsası yoxdur və
tamamilə fırıldaqçılıq hallarıdır. Ümumiyyətlə, onlara çox vaxt
boğaz hissədə qıcıqlanma olan, iltihab əlamətləri olan şəxslər
müraciət edirlər. Çöpçülər çox asanlıqla şəxslərə müxtəlif
xəstəliklər yeridə bilərlər. Xüsusən də indiki vaxtda hepatit
virususnun geniş yayıldığı dövrdə bu, ümumiyyətlə, təhlükəlidir.
Çünki, çöpçülərin istifadə etdikləri alətlərin harada, necə
sterilizə olunması sual altındadır. Bu işlə məşğul olanların
əksəriyyəti təhsili olmayan, avam insanlar olur. Buna görə
də, məsləhət görərdim ki, insanlar bu cür aldatma üsullarından
istifadə eləməsinlər. Ölkədə kifayət qədər qulaq-burun-boğaz
həkimləri var ki, bunlar müxtəlif müasir texnika ilə, alətlərlə,
kamerlarla, qırtlağa, boğazın bütün ətrafına baxmaq, müalicə etmək,
ordakı yad cisimləri görmək, lazım olarsa, çıxarmaq imkanları var.
Ona görə də çöpçülərə müraciət etmək qətiyyən düzgün deyil. Onlar
heç əlcəkdən də istifadə etmirlər. Adi suda yuduqları əlləri ilə
birbaşa xəstənin boğazına müdaxilə edirlər. İnsan boğazı isə
hər cür infeksiyalara həssasdır".
Tibb elmləri namizədi Rəşid Mahmudov
da valideynlərə çöpçülərdənsə, qulaq-burun-boğaz həkiminə müraciət
etməyi məsləhət görür: "Ümumiyyətlə, orqanizmdə 3 orqanın quruluşu
təkmilləşməyib. Bunlardan birincisi göz yuvasıdır. Ona görə ki, göz
yuvası silindrik, oval, eləsi də var ki,daiəvi şəkildədir. Bu,
doğuş zamanı formalaşır. Ona görə 2 yaşı olmamış uşaqlara eynək
yazılır. İkincisi, böyrəkdir. Böyrək ləyəni bir azca da olsa çəpinə
yerlərşsə idi, o ləyəndə duzlar qalmazdı. Daş da əmələ gəlməzdi.
Üçüncüsü isə udlaqdır. Udlağın arxa hissəsində iti bucaq şəklində
hissə var ki, nəsə udulanda, ən çox da uşaqlarda baş verir ki, qida
gedib o hissədə qalır. Qida orda qaldıqda isə çürümə gedir.
Qida çürüdükcə uşaqlarda müxtəlif narahatlıqlar, qızdırma, qarın
ağrısı olur və s. Çöpçülərin gördüyü işin isə elmi əsası olsa da,
onların çoxu fırıldaqçıdır. Onların çoxu deyir ki, uşaqğın
boğazından hansısa meyvənin tumunu çıxardım. Əslində, orada qalan
tum yox, qida qalığıdır ki, o da orada çürüyür. Hər hansı
narahatlıq olarkən valideynlər ilk növbədə qulaq-burun-boğaz
həkiminə müraciət etməlidirlər. Həkim xüsusi alətlərlə yoxlmalar
aparıb qida qalığını aşkarlaya, lazım olarsa, onu təmizləyə də
bilər. Çöpçü isə guya onu çıxarmaq üçün üfürür. Əslində, o
üfürəndə, əgər hər hansı xəstəliyi varsa, avtomatik olaraq uşağa da
keçir. Bu da göstərir ki, üsul düzgün deyil".