Movqe.Az xəbər verir ki, ABA CEELI (Amerika Hüquqşunaslar Assosiasiyası) və Media Hüququ İnstitutu jurnalistlər arasında yazı müsabiqəsi elan edib.
Müsabiqənin mövzusu
"QANUNLAR NECƏ İŞLƏYİR?"
adlanır.
Müsabiqə gənc tələbə - jurnalistlər üçün nəzərdə tutulur.
Müsabiqəyə qəzet, jurnal və internet mediada 01 iyul - 31 iyul
tarixləri aralığında hazırlanıb yayılan yazılar təqdim oluna bilər.
Müsabiqəyə təqdim olunan yazılar aşağıdakı parametrlərin işığında
qiymətləndiriləcək:
- Mövzunun konkret insandan, olaylardan keçirilməsi;
- Müəllifin mövzuya bələd olub-olmaması;
- mövzunun aktuallığının əsaslandırılması;
- adi vətəndaş üçün mövzunun faydasının açıqlanması;
- yazının hüquqi biliklərin yayılması baxımından önəmliliyi;
- oxucu marağını tatmin etməyə yönəlik üsullar (maraqlı,
diqqətçəkən sərlövhə, yarımsərlövhələr, haşiyələr və s.)
- yazının sadəliyi, maraqlı üslubu, jurnalist yaradıcılığı
baxımından orijinallığı;
- ekspertlərdən yararlanma dərəcəsi;
- müxtəlif düşüncələrin balanslaşdırılması;
Ekspertlərin qiymətləndirməsi zamanı iddialı yazıların nəticə
balları bərabər olarsa, daha erkən yayılmış yazıya üstünlük
veriləcək. İddialı yazılar eyni tarixdə yayılıbsa müsabiqəyə daha
tez təqdim olunmuş yazıya üstünlük veriləcək.
Müsabiqənin yekununda 1, 2 və 3-cü olmuş yazı müəllifləri
mükafatlandırılacaq. Mükafat fondu 500 AZN (1-ci yer), 400 AZN
(2-ci yer), 300 AZN (3-cü yer) təşkil edir.
Müsabiqə şərtlərinə uyğun yazılar 01 avqust 2012-ci il tarixədək
təşkilatçılara təqdim olunmalıdır. Müsabiqənin nəticələri avqust
ayının 10-dək açıqlanacaq.
Yazılar və ya yazıların yerləşdirildiyi linklər
[email protected] ünvanına göndərilməlidir.