Mərkəzi Neftçilər Xəstəxanasında böyrək daşı cərrahiyyəsində unikal metodun tətbiqinə başlanıb
Cərrah Rəşad Məmmədov: “Yeni üsulun tətbiqi ilə xəstənin üzləşə biləcəyi bütün risklər minimuma endirilir”
Mərkəz Neftçilər Xəstəxanasının
Urologiya şöbəsində böyrək daşı xəstəliyinin cərrahi müalicəsində
ilk dəfə olaraq yeni endoskopik metodun tətbiqinə başlanılıb.
Şöbənin cərrahı, urologiya uzmanı dr. Rəşad
Məmmədovun APA-ya verdiyi
məlumata görə, üç ilə yaxındır şöbədə böyrək daşı xəstəliyi
endoskopik lazer texnologiyalarının tətbiqi ilə əməliyyat edilir:
"Bu əməliyyat (Perkutan Nefrolitotomiya) standart olaraq xəstənin
"üzüstü" vəziyyətində həyata keçirilir. Bu vəziyyətdə xəstələr ,
özəlliklə yaşlı xəstələr müəyyən qədər risk altında olurlar. Yeni
tətbiq etdiyimiz metodda xəstə arxası üstündə qalmaqla "Supin
Perkutan Nefrolitotomiya" əməliyyatı icra olunur. Və beləcə
xəstənin bütün riskləri minimuma endirilir".
Qeyd edək ki, Rəşad Məmmədov Azərbaycanda ilk laparoskopik nefrektomiya (qapalı yolla böyrək çıxarılma əməliyyatı) əməliyyatını geniş şəkildə tətbiq edən cərrahdır. Onun elmi işləri beynəlxalq mükafatlara layiq görülüb.
Qeyd edək ki, Rəşad Məmmədov Azərbaycanda ilk laparoskopik nefrektomiya (qapalı yolla böyrək çıxarılma əməliyyatı) əməliyyatını geniş şəkildə tətbiq edən cərrahdır. Onun elmi işləri beynəlxalq mükafatlara layiq görülüb.